Патăрьелĕнчи çар комиссариачĕ умĕнче вырнаçнă танк-палăка 2021 çулта танкистсем çĕнĕ сăн кĕртнĕ пирки хаçатра пĕлтернĕччĕ. Ĕнерхи салтаксем ун таврашне те хĕлĕн-çăвĕн тирпейлесе тăраççĕ, çавăн пекех шкул ачисем те вĕсене пулăшаççĕ.

 Юлашки вăхăтра юр чылай çунăран хăватлă техника патне пымалли çул та çукчĕ, йĕри-таврашне те хупласа хунăччĕ. Николай Николаев тата Ромил Михайлов танкист-ветерансем тата Патăрьелĕнчи пĕрремĕш вăтам шкулта ăс пухакан волонтерсем çитменлĕхе пĕтерчĕç, пушă вăхăт тупса территорие тата танка "шурă кавиртен" тасатрĕç.

 (Хамăр корр.)