Февралĕн 15-мĕшĕнче совет çарĕсене Афганистанран илсе тухнăранпа 33 çул çитрĕ. Çак кун çулленех ют тăрăхра службăра тăнисем Патăрьел тата Шăмăршă районĕсен çар комиссариачĕ умне выр- наçтарнă танк-палăк умне пухăнаççĕ. Кăçал та вĕсем ырă йăлана пăрахăçламарĕç. Сăмах май, Афганистанра çар тивĕçне пурнăçланисем ытти çулхинчен нумайрах та пухăнчĕç. Патăрьелĕнчи пĕрремĕш вăтам шкулта вĕренекенсем те аслă юлташĕ- семпе юнашар тăчĕç.

- Пирĕн çак куна нихăçан та манмалла мар тата Афганистанра пуçĕсене хунă 7 ентеше те асрах тытмалла. Ку - пирĕн тивĕç, - терĕ районти Афганецсен канашĕн председателĕ Фарид Сулейманов. Унăн сăмахĕпе ыттисем те килĕшрĕç, малашне те февралĕн 15-мĕшĕнче пĕрле пухăнма калаçса татăлчĕç. Пĕр самант шăп тăнă хыççăн ĕнерхи салтаксем танк-палăк умне гирлянда тата чĕрĕ чечексем хучĕç.

О. ПАВЛОВА