Производство организаторĕ, Чăваш АССРĕн ял хуçалăхĕн тава тивĕçлĕ ĕçченĕ, çут ĕç отличникĕ Иван Николаевич Арланов 85 çул каялла февралĕн 22-мĕшĕнче (22.02.1937 - 29.06.2012) Кивĕ Ахпỹртре çуралнă.

 И. Арланов парти шкулĕнчен, ЦК КПССăн аслă парти шкулĕнчен вĕренсе тухнă. Ĕç çулне колхозникран пуçланă, унтан "Гвардеец" колхозăн бригадирĕнче, клуб заведующийĕнче, Туçа ял Совечĕн председателĕнче, колхоз парткомĕн секретарĕнче, колхоз председателĕн çумĕнче, сысна аш-какайĕ туса илессипе ĕçлекен "Южное" предприятин директорĕнче ĕçленĕ. 1985-1997 çулсенче Ленин орденĕллĕ "Гвардеец", 1997-1998 çулсенче "Урожай" колхозсен председателĕнче тăрăшнă. Чăваш АССРĕн Верховнăй Совечĕн депутачĕ пулнă. Ентеше Хĕрлĕ Çăлтăр орденĕпе, медальсемпе чысланă.

 ("Çулталăк кĕнекинчен").