Февралĕн 25-мĕшĕнче Чăваш Республикин Пуçлăхĕ Олег Николаев массăллă информаци хатĕрĕсен представителĕсемпе курнăçрĕ.

Мероприятие федераци, республикӑри тата районти массӑллӑ информаци хатӗрӗсен 40-е яхӑн журналисчĕ, ҫавӑн пекех вырӑнти блогерсем хутшӑнчӗҫ.  Вӗсенчен пӗр пайĕ видеоҫыхӑну мелĕпе ыйтусем пачĕ.   Журналистсем регион ертӳçин кăçалхи пирвайхи пресс-конференцийĕнче çĕкленĕ темăсем анлă та тĕрлĕ енлĕ пулчĕç.

Республикăн  социаллă  пурнă=.-

пе экономика аталанăвĕ, муниципалитетсен реформи, пурăнмалли çурт-йĕр, шкулсемпе ача сачĕсем тăвасси, транспорт ĕçне йĕркелесси, туризма аталантарасси… Паллах, массăллă информаци хатĕрĕсен представителĕсене юлашки кунсенчи ĕç-пуçа пула Чăваш Енри предприятисем Украинăпа тытакан хутшăнусем хавшама пултарасси те, хаксен ӳсĕмĕ те пăшăрхантарать.

Икĕ сехет ытларах тăсăлнă тĕл пулура Олег Николаев журналистсен кашни ыйтăвне тĕплĕ хуравлама тăрăшрĕ, вăл е ку ыйтупа хăйĕн позицине палăртрĕ.

А. Иванов