Терроризма хирĕç

Чăваш Республикинче терроризма хирĕç кĕрешекен комиссин ларăвĕ  иртнĕ. Комисси террористсем тапăнма пултаракан тата халăх йышлă пухăнакан объектсене хӳтĕлессипе хушма мерăсем йышăннă.  Чăваш Республикин Пуçлăхĕ Олег Николаев хальхи вăхăтра информаци енчен вăйлă атака пынине палăртнă.  Вăл шутра терроризмла акт хăрушлăх çуралсан ăна сирме хатĕррине тĕрĕслессипе çыхăннисем те.

Политика

Лик-я учре-я и или реорг-я

Сакăр çул пĕрле

Крым  Республики тата Севастополь хули  Раççей йышне кĕнĕренпе 8 çул çитет. Çакна халалласа паян Шупашкарта хаваслă концерт пулать. «Крым  çуркунни»  ятлă уява 2014 çултанпа йĕркелетчĕç. Анчах та, эпидемиологи лару-тăрăвĕ йывăрланнине шута илсе,  юлашки çулсенче  концерта ирттермен.  Кăçал вара тинех ырă йăлана тавăрнă. Аса илтеретпĕр, 2014 çулта Крым Республикипе Севастополь хулине  Раççей йышне кĕртес ыйтупа референдум иртнĕ. Унта хутшăннисен 96 ытла проценчĕ Украинăран уйрăлса Раççей йышне кĕрессишĕн сасăланă.  Паллă пулăмшăн савăннине палăртса çĕршывăн кашни регионĕнчех «Крым çуркунни»  уяв йĕркелеме пуçланă. Пирĕн тăрăхра кăçалхи концерт мартăн 18-мĕшĕнче пулать,  Шупашкарти Хĕрлĕ тÿремре 17 сехет те 30 минутра пуçланать. 

Пысăк штраф кĕтĕ

Кӑҫалтан ҫакнашкал киревсĕр хӑтланнӑшӑн явап тытма тивӗ. Ҫакӑн пирки Республика Пуҫлӑхӗ Олег Николаев ҫирӗппӗн татса каланӑ. "Асӑрхаттарни кӑна ҫителӗксӗр, явап тыттарма пуҫламалла", _ палӑртнӑ Олег Алексеевич. Пӗлтӗр республикӑра типӗ курӑка ҫунтарнине пула 5 ҫурта пушар ҫавӑрса илнӗ. Ҫулӑмра ҫынсен пурнӑҫӗ татӑлнӑ тӗслӗхсем те пулнӑ.

Тĕпрен çĕнетĕç

Республикӑри 16 шкула тӗплӗн юсама аукционсем пуҫарса янӑ. Ҫак йыша Вӑрнар районĕнчи Нурӑс (Калинино) шкулӗ, Канаш хулинчи 10-мӗш, Йӗпреҫри 2-мӗш, Вӑрмарти Егоров ячӗллӗ шкул, Хӗрлӗ Чутай районĕнчи Питӗркассинчи, Шупашкар районĕнчи Атайкассинчи шкулсем кӗнӗ. Унсӑр пуҫне, тӗп хулари 38-мӗш, 50-мӗш, 7-мӗш, 23-мӗш тата 2-мӗш номерлӗ пуҫламӑш шкула та тӗппипех ҫӗнетӗҫ. Ҫавӑн пекех, Ҫӗнӗ Шупашкарти 5-мӗш, 4-мӗш, 9-мӗш, 11-мӗш шкулсене тата 6-мӗш гимназине те ҫӗнӗ сӑн-сӑпат кӗртӗҫ. Кун валли бюджетра 1,5 млрд тенкӗ пӑхса хӑварнӑ.

Çĕнĕ Шупашкарта кил-çуртсăр йытăсене тытма пуçланă

Çак кунсенче 5 анчăка тытса Шупашкарти ятарлă приюта илсе кайса янă. Вĕсене кунта сиплеççĕ, стерилизаци тата вакцинаци тăваççĕ. Унтан вара çут çанталăка каялла кăларса яраççĕ е çĕнĕ хуçа тупма пулăшаççĕ. Çак кунсенче тытнă пĕр йытăн хуçи тупаннă та. Ăна  хăйĕн чĕр чунне  хула администрацийĕ  тÿснĕ тăкаксене саплаштарсан кăна тавăрса параççĕ.

Газ килсене çитет

Кил-ҫурта ҫут ҫанталӑк газӗ кӗртсе юлмалли чи меллӗ самант! Çӗршывра ятарлӑ программа пурнӑҫланать. Ҫынсене газ пӑрӑхне ҫӗр лаптӑкӗн чикки таран тӳлевсӗрех ҫитерсе параҫҫӗ. Ҫак ҫӑмӑллӑхпа усӑ курма паянхи куна 3100 ҫын кӑмӑл тунӑ. Вӗсенчен ҫурри ытларахăшӗ телейлисен йышне кӗнӗ, вӗсен заявкисене ырласа килӗшӳсем ҫирӗплетнӗ. Унсӑр пуҫне, Республика Правительствин йышăнăвĕпе, хӑш-пӗр категорири ҫынсене пулӑшу кӳреççĕ - газ пӑрӑхне ҫурта кӗртсе тӑкакланнӑ укҫана саплаштараççĕ. Тата унсӑр пуҫне, газ кӑмакипе плита тата шутлав хатӗрӗсене туянма 20 пин тенкӗ параҫҫӗ.