2022 ÇУЛТА мăсăльман тĕнне тытса пыракансемшĕн апрелĕн 2-мĕшĕ Рамаданăн пĕрремĕш кунĕ шутланать, çакăнтан Ураза-байрам умĕнхи типĕ пуçланать. Вăл майăн 1-мĕшĕнче вĕçленет.

Чаруллă, тĕн йăли-йĕркипе пурăнмалли тапхăрта йăлана пăхăнса хĕвел тухиччен тата вăл ансан çеç апатланаççĕ, сăваплă Корана вулаççĕ, хăйсен пурнăçне кĕнекери кĕлĕсене шута илсе ăнланас тесе тăрăшаççĕ. Типĕ вăхăтĕнче таса та тирпейлĕ çỹресси, ыр кăмăллăхпа çыхăннă ĕçсене хутшăнасси, мĕскĕнсене алă тăсса парасси, çынсене ырă сунасси те аслă уяв умĕн пурнăçламалли йĕркесен шутнех кĕреççĕ.