РЕСПУБЛИКĂРА çул-йĕр çинчи инкек-синкеке сирес тĕллевпе кашни уйăхрах операцисем йĕркелеççĕ, йĕркене пăхăнман водительсене тупса палăртас тĕллевпе инспекторсем ятарлă рейдсене тухаççĕ. Вĕсенчен пĕри - "Ỹсĕр водитель" ("Нетрезвый водитель") операци. Апрель уйăхĕнче вăл 15-17-мĕшĕсенче иртмелле. РФ ШĔМĕн районсем хушшинчи ГИБДД уйрăмĕн инспекторĕ Дмитрий Кочетков хаçат редакцине пĕлтернĕ тăрăх кăçал çакнашкал рейд вăхăтĕнче ку таранччен çула тухнă 10 ỹсĕр водителе чарнă, протоколсем çырнă. Ку тĕлĕшпе саккун пуçран шăлманнине пурте пĕлеççĕ. Вĕсен çулталăк çурăран икĕ çул таранччен водитель правипе сывпуллашма тата пысăк штраф тỹлеме тивет.

Апрелĕн 24-мĕшĕнче вара рейда тухакан инспекторсем автобус водителĕсем йĕркене пăхăннине тĕрĕслĕç.