Çак кунсенче районти прокуратура ĕçченĕсем Патăрьелĕнчи агропромышленность техникумĕн студенчĕсемпе тĕл пулнă.

Йĕрке хуралĕн сотрудникĕсем вĕрентỹ учрежденийĕнче пĕлỹ илекенсемпе çул çитмен ачасемпе çамрăксем право йĕркине пăхăнмалли тата обществăна хирĕç тăвакан ĕçсенчен асăрханмалли ыйтусене хускатнă.

 Студентсене кăсăклантаракан ыйтусене хуравланă май прокуратура ĕçченĕсем çул çитмен ачасем уголовлă, административлă право йĕркине пăсни çинчен калакан законодательствăсене пăхăнмасан мĕнле айăплав пулни, вăл вĕсен малашлăхĕшĕн мĕнле чăрмав кăларса тăратни пирки каласа панă.

Тĕл пулура студентсене коррупци паллиллĕ тĕслĕхе асăрхасан çийĕнчех прокуратура органне пĕлтермелли пирки те асăрхаттарнă.

А. АФАНАСЬЕВ, район прокурорĕ, юстици советникĕ