РАÇÇЕЙ халăх тата эстрада юрăçи Надежда Бабкинăпа унăн творчество ушкăнĕн пултарулăхне çывăх вăхăтрах, тĕрĕсрех каласан июнĕн 13-мĕшĕнче, районти Акатуй-Сабантуй кунĕнче Патăрьелсем те хăйсен куçĕпех курма пултараççĕ. Паллă артистка çитес уйăхăн 9-18-мĕшĕсенче Чăваш Енре пурăнакансене ку чухнехи халăх юррисемпе савăнтарĕ. Эстрада çăлтăрĕ республикăри вунă хулапа района çитсе пысăк уяв туса парĕ. Эпир те, Юхмапа Пăла тăрăхĕнче пурăнакансем, çĕршывăн тĕп хулинчен килекен артистсене тăвăллăн алă çупса кĕтсе илĕпĕр.