ИНÇЕ çула тухакан водителĕн нихăçан та тимлĕхе çухатмалла мар, йĕркене те пăхăнмалла. Унсăрăн инкек сиксе тухасси те çавăнтах. Акă, нумай пулмасть çеç "Çĕрпỹ - Ульяновск" аслă çул çинче, Ыхра Çырми тĕлĕнче авари пулнă, инкекре икĕ çыннăн пурнăçĕ татăлнă. Çул-йĕр инспекторĕсен пĕтĕмлетĕвĕнчен çакă паллă. Ульяновск енчен килекен "Опель Астра" хирĕçле çул çине тухса кайса грузовике лектерсе иртнĕ, ун хыççăн килекен "Скани" çине кĕрсе кайнă. Водительпе машинăра ларса пыракан пассажир инкек пулнă вырăнтах ĕмĕрлĕх куçне хупнă.