ÇАК кунсенче Чулхула облаçĕн кубокне çĕнсе илессишĕн триатлон енĕпе (велосипедпа, чупса, ишсе) ăмăрту иртнĕ. Инçе çула пăхмасăр унта пирĕн районти спортсменсем те икĕ ушкăнпа хутшăннă. Кĕçĕннисенчен А. Кучатова пĕрремĕш, С. Салихова иккĕмĕш, К. Рубцова виççĕмĕш вырăнсене çĕнсе илнĕ. Аслисенчен вара А. Салихова иккĕмĕш, О. Краснова виççĕмĕш вырăн йышăнма пултарнă. Спортсменсене В. Платоновпа С. Рубцова тренерсем хатĕрлеççĕ. Ачасем паянхи кун та каникул вăхăтне пăхмасăр кулленех Патăрьелĕнчи "Паттăр" физкультурăпа спорт комплексĕнче хăйсен пултарулăхне туптаççĕ.