ПАТĂРЬЕЛĔНЧИ пĕрремĕш вăтам шкулти ачасене кĕвĕ тĕнчин илемне вĕрентекен Петр Никитин хĕрĕх çул ытла баянне алран ямасть! Унсăр пуçне Чăваш Республикн культура тава тивĕçлĕ ĕçченĕ Патăрьелĕнчи юрăпа ташă халăх ансамблĕн пултаруллă аккомпаниаторĕ те.

Петр Николаевичсăр районта йĕркелекен культура мероприятийĕ те сахал иртет. Коллективра вăл учительсен хорне ертсе пырать, нумай çул хăй вĕрентекен шкултах ачасен пысăк хорне йĕркелесе çулсеренех сцена çине кăларать тата ытти те. Паян ашшĕн культура каçалĕкĕнчи сукмакне Валентин ывăлĕ такăрлатать. Вăл - Шупашкарти музыка училищин студенчĕ.