СИТЕЛ çамрăкĕсем спорт ăмăртăвĕсенче яланах ырă тĕслĕхлĕ. Çакна вĕсем Питравра Каншелĕнче иртнĕ ял уявĕнче тепĕр хут çирĕплетсе панă, пурне те хăйсен çитĕнĕвĕпе тĕлĕнтернĕ. Çавăн чухнех "Малалла" тата "Первомайск" ял хуçалăх предприятийĕсене нумай çул ертсе пынă Михаил Петрова асăнса ирттернĕ ирĕклĕ майпа кĕрешекенсен турнирĕнче те Сител каччисем чи вăйлисем тата пултаруллисем пулнине ĕнентернĕ. Сумлă парнене - такана - Степан Степанов çĕнсе илме пултарнă. Вăл çеç те мар-ха. Ялти футболистсен туслă команди, ирĕклĕ майпа кĕрешессипе Евгений Шайманов та ял уявĕнчен çĕнтерỹçĕсем пулса таврăннă. Çаксем пурте Сител халăхĕн мăнаçлăхĕ, ырă малашлăхĕ. Пысăк çитĕнỹ пурне те савăнтарать.