РАЙОНТИ МЧС службин ĕçченĕсен пурнăçра йывăрлăха, инкеке кĕрсе ỹкнĕ çынсене тĕрлĕрен лару-тăруран çăлма тивет. Вăл çеç те мар иккен. Тепĕр чухне йытта та вилĕмрен хăтармалли лару-тăру сиксе тухать. Акă, нумай пулмасть çеç вĕсен Патăрьелĕнче пĕр люка чăмнă анчăка кăларма тивнĕ. Тăватă ураллă "тус" шăтăкăн юсавсăр виткĕчне пула унта анса кайнă, аялта канăçсăрланса вĕрнĕ те вĕрнĕ. Ырă çынсем çакна илтсе тата асăрхаса ятарлă службăна шăнкăравланă. МЧС сотрудникĕсем нумай кĕттермен, вырăна çийĕнчех çитнĕ, йытта инкеке парăнтарма пулăшнă.