Шăхач ялĕнчи библиотекăра эрудитсен турнирĕ иртрĕ.

Ачасен çуллахи канăвне усăллă ирттерес тĕллевпе йĕркеленĕ ăна. "Ыйтăвĕсем манăн - хуравĕсем сирĕн" ятпа пулчĕ вăл. Ачасем икĕ ушкăна уйрăлчĕç. Тĕрĕс хуравшăн команда кашнийĕнчех çăлтăр илчĕ. Пĕрремĕш турта конвертпа ĕçлерĕç. Уйрăм сăмахсенчен ваттисен каларăшĕсене тупмалла пулчĕ. Иккĕмĕшĕнче вара саспа вуласа панă пĕр-пĕр сыпăка вырăс тата ют çĕршывсенчи авторсен произведенийĕсенчен илнине тавçăрма тиврĕ. Малалла тата интереслĕрех пулчĕ. Сăнласа панă хыççăн хура ешчĕке хунă япалана пĕлмелле.

Тавçăрулăх кашнийĕнчех кирлĕ. Çапла пĕтĕмлетỹ турĕç турнира хутшăнакансем. Малашне те кĕнеке вулама кирлине палăртрĕç.

 (Хамăр корр)