Ecowiki.ru платформа «Вăрман волонтерĕсен шкулĕ» онлайн-курс пуçарать. Унта тӳлевсĕрех вĕренме пулать. Онлайн-шкула хутшăнакансем вăрман лартма, ăна пăхса тăма, вăрман пушарĕ мĕншĕн тухнине тата ăна камăн сӳнтермеллине, вăрман пушарнăйĕ пулас тесен мĕн тумаллине, социаллă проектсем хатĕрлеме вĕренĕç. Илнĕ пĕлĕве «Вăрман волонтерĕсен шкулĕ» лагерьте çирĕплетме пултарĕç. Курс ĕçне хутшăнас текенсен ecowiki.ru/onlajn-kurs-shkola-lesnyh-volonterov сайта кĕрсе заявка ямалла. Материала ăса хывса тест ыйтăвĕсене ăнăçлă пурнăçланă хыççăн сертификат парĕç.