СЕНТЯБРĔН 10-мĕшĕнчен пуçласа октябрĕн 2-мĕшĕччен Шупашкарта "Кĕр парнисем" ял хуçалăх ярмăркки ĕçлет. Ял хуçалăх таварĕсене "Николаевски" тата "Çурçĕр" суту-илỹ комплексĕсенче, "Шупашкар" суту-илỹ çуртĕнче тата Элкер урамĕнчи çĕнетнĕ фермер пасарĕнче канмалли кунсенче, 9-15 сехетсенче туянма пулĕ. Çавăн пекех Çĕнĕ Шупашкар, Улатăр, Канаш хулисенче те ярмăркка ĕçлĕ. Сутуçăсене вырăнпа тỹлевсĕрех тивĕçтереççĕ. Ярмăрккăна пирĕн районти ял хуçалăх предприятийĕсем, фермер хуçалăхĕсем, уйрăм çынсем те хутшăнма, ытлашши пахча çимĕçе, çитĕнтернĕ продукцие сутма пултараççĕ.