Артист, Чăваш АССРĕн тава тивĕçлĕ артисчĕ Валерий Петрович Молодцыгин (15.09.1952-17.10.1993) 70 çул каялла Нăрваш Шăхалĕнче çуралнă.

В. Молодцыгин Çĕрпỹри культурăпа çут ĕç училищине вĕренсе пĕтернĕ хыççăн 1970-1990 çулсенче Çеçпĕл Мишши ячĕллĕ Чăваш патшалăх çамрăксен театрĕнче артист пулса ĕçленĕ.

Тĕп сăнарĕсем: Ивук (Х.Уяр "Шурча таврашĕнче..."), Лукка (Н.Терентьев "Пурăнасчĕ çынсем пек..."), Саша (Н. Арбан "Çуллахи каç"), Присыпкин (В. Маяковский "Хăнкăла"), Володя Новиков (Н. Терентьев "Арканнă юрату"), Лекçей (Н. Терентьев "Тин çеç çуралнисем"), Петĕр (А. Васильев "Тавах, аннеçĕм..."), Исправник (Х. Уяр "Типшар"), Рюрик (В. Астафьев "Каçарсам мана"), Палля (Ф. Павлов "Ялта") тата ыттисем те.

("Çулталăк кĕнекинчен").