Патăрьелĕнчи "Темп" футбол команди кăçалхи сезона та начар маар кăтартусемпе вĕçлесе пырать. 40 çултан аслăрах ветерансем хушшинче пирĕн ентешсем республика шайĕнче 33 очкопа виççĕмĕш вырăна тухнă.

Уйрăмах 17-мĕш вăйăра вĕсем пысăк хастарлăхпа палăрнă: Шупашкарти "Энергия" командăна 7:1 шутпа çĕнтернĕ. Çак вăйăра Андрей Моисеев 5 гол тапса кĕртме пултарнă. Çапла вара вăл турнирăн бомбардирсен таблицинчи чи çỹллĕ йĕркине хăпарнă. Кăçалхи чемпионатра Андрей 30 мечĕк, пĕтĕмĕшле вара 201 мечĕк хапхана кĕртнĕ.

А. ИВАНОВ.