Кама паян ак ӑсататпӑр?

Чи вӑй питти ҫамрӑксене.

Нацист ҫыннин сехри халь хӑптӑр,

Раҫҫей ҫӗклерӗ яшсене.

Пӗтӗм салтак- кашни пӗр паттӑр.

Ҫунать ун куҫӗнче хӗлхем.

Чӗри вутла ҫунать ун, ахӑр,

Ҫӗршывӑм, хаклӑ эс, пӗлсем.

Сана татах таптаттарап-и

Ҫав юн ӗҫен несӗлсене?

Хам халӑхран эп култарап-и

Бандера йыттӑн эшкерне?

Ҫук! Нихӑҫан кӗтсе илеймӗр

Ман халӑх тарҫӑ пуласса,

Раҫҫей ҫарне те ҫӗнтереймӗр,

Ак, пӑхӑр куҫӑра уҫса!

Салтак ретне паян тӑраҫҫӗ

Хӑват пуҫтарнӑ арҫынсем.

Ҫемйисене вӗсем сыхлаҫҫӗ

Пӗрре ҫеҫ мар вут курнисем.

Ача-пӑча та савнӑ мӑшӑр

Вӑй-хал парса тӑракансем.

Анне кӗллийӗ карӗ чатӑр

Ҫитеймӗҫ ирсӗр пульӑсем.

Сире эпир шанса тӑратпӑр,

Тӑшман шӑпланӗ ҫавӑнтах.

Сирте пуласлӑха куратпӑр,

Ыр ҫуркунне ҫитет часах.

Н. Квасова.

Ҫӗньял