ÇУТ тĕнчене килнĕ пепкене алла илнĕ ятпа ашшĕ- амăшне саламлани ырă та пархатарлă пулăм. Анчах та "çĕнĕ кайăка" килĕшỹллĕ ят çыртарасси паян никамшăн та çăмăлах мар иккен. Хăшĕ-пĕри ывăл-хĕрне мĕнле ят çыртармаллине энциклопединче, Интернет тетелĕн- чех шырать. Вăл янăравлă та, сайра тĕл пулакан ят та пулмалла тесе шутлаççĕ. Çапла вара районти Мăшăрлану керменĕнчи архива çĕнĕ ятсем кашни уйăхрах хушăнса пыраççĕ. Кăçалхи çулталăкра пирĕн тăрăхри чиперккесене ытларах Ева, Алия, Анна тесе çыртарнă. Арçын ачасенчен вара Ильяпа Алим ытти ятсем хушшинче çĕнтерỹçĕсем шутланаççĕ.