ЮХМАПА Пăла тăрăхĕнчи ялсенче пурăнакансем хăйсен участокри уполномоченнăйĕсене чылайăшĕ лайăх пĕлеççĕ, паллаççĕ. Ĕнер район полицийĕнчи участокри уполномоченнăйсем шăпах хăйсен професси уявне паллă турĕç.

Паян районти 19 ял тăрăхĕнче участокри 9 уполномоченнăй çирĕп йĕркешĕн тăрăшать. Вĕсенчен çăмăл мар службăра чи нумай çул вăй хураканни - И. Валеев полици майорĕ. Хăйĕн ĕçне тỹрĕ чунпа пурнăçлакан А. Юнусов кĕçĕн лейтенант вара участокри чи çамрăк уполномоченнăй. Алмаз Альбертович республикăри "Халăх участковăйĕ" конкурса хутшăнса виççĕмĕш вырăн йышăннă. 2021 çулта вара "Районти чи лайăх участокри уполномоченнăй" хисеплĕ ята çĕнсе илнĕ.