Журналист, Раççей Журналисчĕсен союзĕн членĕ, Чăваш Республикин культурăн тава тивĕçлĕ ĕçченĕ Михаил Михайлович Арланов (22.11.1962) 60 çул каялла Кивĕ Ахпỹртре çуралнă.

М. Арланов - И.Н.Ульянов ячĕллĕ Чăваш патшалăх университечĕн выпускникĕ. Ĕç биографине КПСС Чăваш обкомĕн издательствинче пуçланă. 1986 - 2000 çулсенче "Пионер сасси" (халĕ "Тантăш") хаçатра, "Тетте" журналта яваплă секретарьте - тĕп редактор заместителĕнче ĕçленĕ. 2000 çулхи ноябрьтен пуçласа 2016 çулхи декабрьччен "Хыпар" Издательство çурчĕн генеральнăй директорĕн - тĕп редакторĕн заместителĕ, коммерци директорĕ, директор-тĕп редакторĕ пулнă. Пĕр вăхăт "Советская Чувашия" хаçатăн ятарлă проектсен руководителĕнче тăрăшнă. 2020 çулхи август уйăхĕнчен - Чăваш Республикин Патшалăх Канашĕн "Республика" хаçачĕн директорĕ (тĕп редакторĕ).

Михаил Арланова "Чăваш Республики умĕнчи тава тивĕçлĕ ĕçсемшĕн" орден медалĕпе, РФ Журналистсен союзĕн "Тава тивĕçлĕ ĕçсемшĕн" Хисеп паллипе, Чăваш Республикин Патшалăх Канашĕн Хисеп грамотипе наградăланă. РФ Журналистсен союзĕн XI съезчĕн делегачĕ пулнă (2016 çул).

("Çулталăк кĕнекинчен")