УЛТАВÇĂСЕМ пурнăçра чи кирлĕ те пĕлтерĕшлĕ самантсемпе хăйсене майлă усă курма пултараççĕ. Акă, Çĕнĕ çул уявĕ çитиччен вăхăчĕ пĕр уйăх ытла пулин те вĕсем çав ятпа хăйсен пайтишĕн ĕçлеме пикеннĕ те. Кун пирки хыпарсем республикăри полицин пайĕсене те çитме пуçланă. Оперативлă усал "ĕç-пуç" каллех Интернет тетелĕ урлă пулнă. Акă, Шупашкарта пурăнакан 37 çулхи çамрăк Хĕл Мучи çĕршывĕнче, Аслă Устюгра Çĕнĕ çул каникулĕсене ирттесшĕн пулса палламан хуçана çурт арендишĕн 7 пин тенкĕ куçарса панă. Çакскер кăшт каярах çеç пĕлтерĕве мошенниксем лартнине тавçăрса илнĕ. Халĕ ултавлă ĕçпе полици сотрудникĕсем тимлеççĕ.