Паян Шупашкарта "Чăваш Енри туризм" пĕрремĕш форум уçăлнă. Вăл декабрĕн 2-мĕшĕччен тăсăлĕ. Тăхăр сесси иртттерме палăртнă. Унта "Чăваш Ен - реабилитаци центрĕ", "Нумай сăнлă Чăваш Ен", "Промышленность туризмĕ", "Чăваш Республики - ачасен куçĕпе", "Туризма аталантаракан кадрсем", "Аслă Атăл", "Туристсене илĕртекен хуласем", "Ял хуçалăх туризмĕ", "Турист картти" ыйтусемпе тухса калаçĕç. Ку ĕçе РФ Патшалăх Думин депутачĕ Алла Салаева, Раççей туриндустри союзĕн вице-президенчĕ Ольга Санаева, "FUN&SUN" туроператорăн пуçлăхĕн çумĕ Александр Сирченко, Мускав хулинчи туризма аталантарас енĕпе ĕçлекен проект офисĕн гендиректорĕн çумĕ Мария Киселева тата ыттисем те хутшăнĕç.