ЮХМАПА Пăла тăрăхĕнче ырă йăла-йĕркепе хĕлĕн пĕрремĕш уйăхĕнче те хисеплĕ вăрçă тата ĕç ветеранĕсене юбилей ячĕпе саламлĕç, çак ятпа Раççей Президенчĕн Владимир Путинăн салам открыткине кашнинех çитерĕç. Раштавра 90 тата 95 çулхи юбилей ячĕпе кĕрекене пуçтарăнакансем районта тăххăрăн. Пỹртлĕри Артемий Албутовпа Алманчăри Анастасия Хадарована тата Ыхра Çырминчи Зарифулла Зейнетдинована уйăх пуçламăшĕнче вуннăмĕш теçеткене вакланă ятпа чыслама та ĕлкĕрнĕ. Çывăх кунсенчех Анат Туçари Анастасия Кузнецовăна, Кзыл Чишмари Сайфулла Габидуллова, Шăнкăртамри Гильдар Ишмуратовпа Минебану Велиуллована 90 çулхи юбилейĕсемпе ăшшăн саламлĕç.

Çĕнĕ Ахпỹртри Ева Волковăпа Евгения Мартышкина вара - район тантăшĕсем. Пурнăç паттăрĕсем иккĕшĕ те çак уйăхра 95 çул тултараççĕ.