КИЛТИ хушма хуçалăхра е ытти çĕрте ăнсăртран сиксе тухакан пушар çулталăкăн кирек хăш вăхăтĕнче те пысăк тăкакпа, çав вăхăтрах синкерлĕхпе те çыхăннă. Хĕл кунĕнче вут-çулăм алхасни вара тата ытларах хăрушă. Çавăнпа та хальхи вăхăтра ăшăтакан приборсемпе, кăмакапа усă курнă чухне уйрăмах питĕ асăрхануллă пулмалла, пушар хăрушсăрлăх йĕркине пăхăнни çеç инкеке, пăтăрмаха сирме пулăшĕ. Хĕллехи шартлама кунсенче мунча хутнă чухне кăмакана тим- лĕхсăр хăварни те инкекпе çыхăнма пултарать.

Çулталăк пуçланнăранпа Юхмапа Пăла тăрăхĕнче 62 пушар пулнă. Иртнĕ çулхи çак тапхăрта - 55 пушар.