Çак кунсенче Аслă Чементи вăтам шкула Краснодар облаçĕнчи "Вятич" ятарлă отрядăн командирĕнчен А. Коренец подполковникран Тав çырăвĕ çитрĕ. Вăл пирĕн шкултан вĕренсе тухнă А. Яганова вĕрентекенсем тивĕçлĕ воспитани тата пĕлỹ панăшăн тав тунă. Çырура Алеша çар тивĕçне питĕ лайăх пурнăçласа пынине, ыттисемшĕн ырă тĕслĕх пулнине, отрядăн обществăлла ĕçне хастар хутшăннине, юлташĕсемпе командирсем хушшинче хисепе тивĕç пулнине пĕлтернĕ. Хальхи вăхăтра ентешĕмĕр ятарлă çар операцинче хăйĕн тивĕçне пурнăçлать.

А. Яганов вăтам шкултан вĕренсе тухнă хыççăн ЧППУн физкультура факультетне вĕренме кĕнĕ. Унтан Краснодар облаçĕнче "Вятич" спецназра контрактпа çар тивĕçне пурнăçлама пикенчĕ. Нацгвардинчи аслă сержант 2013 çулта крап берета илме тивĕç пулнă. Ăна çав тери çирĕп те йывăр тĕрĕслев витĕр тухсан çеç параççĕ. Вăл спецназăн чăн-чăн мухтавĕ тата чапĕ шутланать.

Шкул коллективне çакăн пек Тав çырăвне илме питĕкăмăллă пулчĕ.

Н. КОШЕЛЕВА