ÇĔНĔ ÇУЛ савăнăçĕпе пĕрлех шкул ачисемшĕн хĕллехи каникул та инçе мар. Çавăнпа та РФ ШĔМĕн районсем хушшинчи "Батыревкий" уйрăмĕн ГИБДД пайĕн начальникĕ Алексей Мальцев хаçат редакцине декабрĕн 26-мĕшĕнчен пуçласа январĕн 8-мĕшĕччен "Асăрханăр - каникул!" оперативлă профилактика мероприятийĕ иртни, çак тапхăрта çул-йĕр çинче уйрăмах асăрхануллă пулмаллине пĕлтерчĕ.

 Шкул ачисен хĕллехи каникул вăхăтĕнче çул-йĕр инспекторĕсем служба ĕçне тата ытларах вăйлатĕç. Çакна пăхмасăрах водительсен те, çуран çỹрекенсен те хăрушсăрлăх йĕркине пăхăнас тĕлĕшпе тимлĕхе ỹстерме тивĕ. Васкани е теветкеленни инкекпе çаврăнса тухма та пултарать. Инçе çула пĕчĕк шăпăрлансемпе тухакан водительсен вара ачасене хăрушсăрлăх пиçиххийĕпе усă курса çыхăнмаллине те манмалла мар!