Патăрьел районĕнчи акăлчан чĕлхине вĕрентекенсен ассоциацийĕ тата районти вĕрентỹ пайĕ пуçарнипе çулсерен ют чĕлхепе тĕрлĕ конкурс йĕркелеççĕ. Хальхинче "Пурăнатпăр тата астăватпăр!" çарпа патриотла фестиваль иртрĕ.

Тăватă номинацинче тĕрлĕ çулти ачасем акăлчанла тата нимĕçле тупăшрĕç. Акăлчанла хитре калаçнине тата лайăх хатĕрленнине кăтартса пачĕç вĕренекенсем. Пĕрин номерĕтепринчен аванрах. Сăвă калакансенчен Патăрьелĕнчи пĕрремĕш вăтам шкулта вĕренекен А. Иванов, Р. Тазюков, Д. Галкина, Аслă Чементи А. Латышова, Пăлапуç Пашьелĕнчи А. Ларев çĕнтерчĕç. Патăрьелĕнчи пĕрремĕш пĕлỹ çуртĕнчи 7-мĕш класра вĕренекен Ю. Путякова çĕнтерỹçĕ "Марат Казей" произведенинчи сыпăка тĕлĕнмелле лайăх каласа пачĕ. Юрлакансен конкурсĕнче Шăнкăртамри пĕрремĕш шкулти З. Сультеевăпа Хирти Пикшикри З. Шагаева малти вырăнсене пайларĕç. Призер пулнă Нăрваш Шăхалĕнчи Е. Алексеевăпа А. Михайлова гитара каласа питĕ илемлĕ юрларĕç. Театрта вылякансен номинацийĕнче Феизов ячĕллĕ Шăнкăртамри вăтам шкулта 5-мĕш класра вĕренекенсем мала тухрĕç. Хитре тумсем тăхăнса вĕсем Муса Джалиль çырнă "Хĕрлĕ ромашка" сăвва лартса пачĕç. Çĕнтерỹçĕсене Ф. Югаметова, А. Тазюкова, Л. Якушева, Н. Кошелева, В. Мешкова, З. Чабатова, Г. Пазюкова, Л. Садыкова тата Ч. Ишмуратова учительсем хатĕрленĕ. 2 тата 3-мĕш вырăнсене йышăннă ачасем те хăйсем пултаруллă пулнине кăтартрĕç.

Вĕрентекенсем те фестивале хастар хутшăнчĕç. Сăвă калакансенчен Т. Митрофанова тата çак йĕркесен авторĕ (иккĕшĕ те хăйсем сăвăсем çырнă), Г. Пазюкова çĕнтерчĕç. И. Макарова юрлакансен номинацийĕнче мала тухрĕ. Т. Наумова, Л. Якушева, И. Матюшкина, И. Валеева, Ч. Ишмуратова, Ф. Югаметова, Н. Сельцова, В. Мешкова, Е. Матросова, А. Тазюкова, З. Чабатова, С. Сафиуллина тата А. Сулейманова призерсем пулса тăчĕç.

Н. КОШЕЛЕВА, Аслă Чементи вăтам шкулта акăлчан чĕлхипе вĕрентекен