КĔÇĔН Патăрьелĕнчи культура çурчĕн ĕçченĕсем кирек мĕнле пуçарăва та алхапăл йышăнаççĕ, хăйсем те яланах пысăк хастарлăх кăтартаççĕ. Иртнĕ эрнере вĕсем Хĕл Мучипе Юр пике пулăшăвĕпе Пĕтĕм Раççейри "Çĕнĕ çул кашни киле" ("Новый год в каждый двор") акцие хутшăнса нумай ачаллă çемьесене çитнĕ, вĕсене юрă-ташăпа, кучченеçпе савăнтарнă, çывхарса килекен Телейлĕ ачалăх çулталăкне пысăк кăмăл-туйăмпа кĕтсе илме ырă суннă. Кĕçĕн Патăрьелĕнчи Тихоновсен, Тăрăнти Бокинсен, Треньелĕнчи Пайминсен çемйисем хăйсене тимлĕх уйăрнăшăн культура ĕçченĕсене чун-чĕререн тав тунă