ЗАГС пайĕшĕн иртсе кайнă Тигр çулталăкĕ начар мар паллăсемпе çырăнса юлнă. 2022 çулта Юхмапа Пăла тăрăхĕнчи хисеплĕ çĕр мăшăр çемьери чи пĕлтерĕшлĕ уява - мăшăр кăвакарчăн пек пурăнма пуçлани 50, 55, 60, 65 çул çитнине_ паллă тунă. Паллах, вĕсене пурне те сумлă лару-тăрура саламланă, пархатарлă ĕçшĕн, ыттисемшĕн ырă тĕслĕх пулнăшăн тав тунă.

Çакăн евĕр чыславсем кăçал та пулĕç. Çĕнĕ çулăн пĕрремĕш уйăхĕнчех Тутар Сăкăтĕнчи Энверпа Гельфире Низаметдиновсем, Тăрăнти Геннадийпе Анна Искачкинсем, Кзыл Камышри Рафаилпа Фердания Якуповсем изумруд (55 çул пĕрле), Кзыл Камышри Сейфуллапа Гельзиря Исхаковсем, Тутар Сăкăтĕнчи Туктамышпа Сайризиан Мухутдиновсем бриллиант (60 çул пĕрле) туйĕсене паллă тăваççĕ.

.