РЕСПУБЛИКĂРИ МИХсенче 2021 çулта иртнĕ Пĕтĕм Раççейри халăх çыравĕн пĕтĕмлетĕвĕ пирки çырнă хыпар пуринчен ытла чăвашсене пăшăрхантармалла пек. Тĕлĕнмелли, çамкана пĕркелентермелли сăлтавĕ те пысăк. Иртнĕ çырав хыççăн (2010 пулнă), тĕрĕсрех каласан 11 çул хушшинче пирĕн халăх йышĕ 368,7 пин çын чакнă. Статистика кăтартăвĕпе халĕ хăйсене чăваш тесе йышăннă çынсем пиллĕкмĕш вырăнта, 1 миллион та 67 пин те 139 çын çеç... Чăваш чунлă, чăваш юнлă çынсем чăвашах юласчĕ, хамăр халăхăн мĕн пур пуянлăхне пĕрле упрасчĕ