Иртнĕ çулхи ноябрĕн 15-мĕшĕнчен пуçласа декабрĕн 21-мĕшĕччен муниципалитет округĕнчи шкулсенче вĕренекенсен вырăнти тапхăрĕнчи олимпиадисем иртрĕç. Вĕсене 19 вĕрентỹ учрежденийĕнчи 7-11 классенче пĕлỹ пухакан 958 ача явăçрĕ. Тĕрĕслевсем 19 предметпа пулчĕç.

Çакна палăртмалла, призлă вырăнсене 162 каччăпа хĕр тухрĕ. 53 вĕренекен вара çĕнтерỹçĕ пулчĕ.

Патăрьелĕнчи пĕрремĕш, Митта Ваçлей ячĕллĕ Первомайскинчи, Хирти Пикшикри вăтам шкулсенче вĕренекенсем пысăк балл пуçтарнипе палăрчĕç. Халĕ çĕнтерỹçĕсен Юхмапа Пăла тăрăхĕн чысне хỹтĕлемешкĕн регион шайĕнчи олимпиадăсенче тупăшма тивет.

А. ИВАНОВА