Нăрваш Шăхалĕнчи вăтам шкулăн 7-9 класĕсенче вĕренекенсем Хусан хулинче экскурсинче пулчĕç. Илĕртỹллĕ çул çỹрев пурне те килĕшрĕ. "Хусан Кремлĕ" музей-заповедникра Сююмбик башнине, Благовещени соборне, Ку-Шариф мечĕтне тата ыттисене курни нумайлăха асра юлĕ. Ĕмĕр пурăн - ĕмĕр вĕрен, теççĕ. Çитĕнекен ăру хăйсен тавракурăмне анлăлатнине те çакăнпах танлаштарас килет.

 Хамăр таврарах, кỹршĕллĕ республикăсенчех курса тĕлĕнмелли сахал мар. Тутарсен авалхи тĕп хулин хăйне евĕрлĕ илемне куçпа курса хакларĕç вĕренекенсем.

А. ИВАНОВА