ÇУЛСЕРЕНЕХ пирĕн тăрăхран тĕрлĕ предметпа регион шайĕнчи олимпиадăсене хутшăнса ырă тĕслĕх кăтартакан вĕренекенсем сахал мар пулаççĕ. Хальхи вăхăтра вара малтанхи кăтартусемех савăнтараççĕ. Акă, Ыхра Çырминчи вăтам шкулта 9 класра вĕренекен хастар, Республика Пуçлăхĕн стипендиачĕ Анастасия Краснова тата Пăлапуç Пашьелĕнчи 8 класри Александр Ларев тăван ен культурипе йĕркеленĕ регион шайĕнчи олимпиадăра пĕрремĕш вырăн йышăннă. Вĕрентекенĕсем - Светлана Кулаковăпа Светлана Никитина. Олимпиада çĕнтерỹçисем вĕренỹре те, общество пурнăçĕнче те, спортра та хастар, тăрăшуллă. Çывăх вăхăтра ытти предметпа та олимпиадăсем иртĕç.