Раççей почти Чăваш Енри 2023 çулхи пĕрремĕш çур çулта илсе тăма ирттернĕ çырăнтару кампанине пĕтĕмлетнĕ.

Организаци пĕлтернĕ тăрăх, пирĕн республикăра почта урлă пичет периодикине çырăнса илнипе Муркаш, Канаш тата Патăрьел муниципалитет округĕсем малта.

 Чăваш Енре пурăнакансем çак çур çула 1202 тĕрлĕ пичет изданийĕ пурĕ 130000 экземпляр çырăнса илнĕ. Ытларах обществăпа политика тата çамрăксен, çавăн пекех ял хуçалăх ыйтăвĕсемпе çыракан хаçат-журнала кăмăллаççĕ.

Республикăра пурăнакансем хăйсем валли кăна мар, "Дерево добра" ыр кăмăллăх программипе ача çурчĕсене, интернат-шкулсенче тата ватă çынсен çурчĕсенче пурăнакансем валли 1100 экземпляр пичет периодики çырăнса панă.

А. ИВАНОВ