Патăрьелĕнчи ачасемпе çамрăксен спорт шкулĕпе "Паттăр" ФСКра Раççей Федерацийĕн тата Чăваш Республикин тава тивĕçлĕ учительне, наци кĕрешĕвĕн Раççей спорт мастерне Г. Араева асра тытса, шкул спартакиади шучĕпе кĕрешỹçĕсен турнирĕ иртрĕ. Унта 18 виçе категорийĕпе 12 командăра 120 ытла спортсмен тупăшрĕ. Патăрьелĕнчи пĕрремĕш вăтам шкул кĕрешỹçисем пĕрремĕш, Хирти Пикшиксем иккĕмĕш, Шăнкăртамри пĕрремĕш тата Пăлапуç Пашьел вăтам шкул спортсменĕсем виççĕмĕш вырăнсене тухрĕç.

Çĕнтерỹçĕсемпе призерсем медальсене, грамотăсене, хаклă парнесене тивĕçрĕç.