ЮЛАШКИ вăхăтра муниципалитет округĕнчи культура учрежденийĕсем ялти халăхăн, çамрăксен вăхăтне усăллă та кăмăллă ирттерес тĕллевпе тĕрлĕрен мероприяти, кану каçĕсем, мастер-классем тата ыттине сахал мар ирттереççĕ. Çав вăхăтрах ялсенчи клубсенче пĕр-пĕринпе туслă тĕл пулусем те йĕркелеççĕ, хăйсен пултарулăхĕпе çынсене савăнтараççĕ. Акă, çак кунсенче çеç Кивĕ Катекри клубра Пикшик территори пайĕнчи сцена ăстисем ял çыннисене "Хыпар сутакан Вĕçелюк" спектакльпе савăнтарнă. Шỹтлĕ пьесăна артистсем питĕ аван калăплани залра ларакансем тăвăллăн алă çупнинчен те паллă пулнă.