ЧР вĕрентỹ тата çамрăксен политикин министерстви чăваш халăхне çутта кăларакан Иван Яковлевич Яковлев çуралнăранпа 175 çул çитнине халалласа ирттерекен уяв логотипĕн тата брендбукĕн конкурсне ирттерет. Ĕçсене кăçалхи мартăн 25-мĕшĕччен йышăнаççĕ. Çĕнтерỹçĕсем 90 пин тенкĕ укçана тивĕçĕç.

Иван Яковлевичăн пархатарлă та сумлă ĕçĕсене пурте пĕлеççĕ. Вăл тăрăшнипе, алфавит туса хатĕрленипе эпир чăвашла вулама, çырма пултаратпăр. Хăйĕн пĕтĕм ĕмĕрĕ тăршшĕпех Иван Яковлев тăван халăхне çутта кăларассишĕн ĕçленĕ. Логотиппа брендбукра унăн ĕçĕ-хĕлне кăтартса памалла