ЧĂВАШ Республикинче мартăн 13-24-мĕшĕсенче "Вилĕме ăçта сутнине пĕлтер!" ятпа Раççейри акцийĕн пĕрремĕш тапхăрĕ иртрĕ. Унăн тĕп тĕллевĕ - наркотикпа çыхăннă ыйтусемпе çамрăксем хушшинче профилактика ирттересси, ку ĕçе общественноçа явăçтарасси.

Акцие Юхмапа Пăла тăрăхĕнчи культура учрежденийĕсем те хастар хутшăнчĕç. Сителти культура ĕçченĕсем те яланхи пекех çак мероприятире пысăк хастарлăх кăтартнă. Оксана Хомуткина библиотекарьпе Ирина Лякова культорганизатор урамра тĕл пулакансемпе кашнийĕнпех "Эпир - пурнăçшăн! Наркотиксăр пурнăç!" темăпа уçă калаçусем ирттернĕ, вĕсене организма сиен кỹрекен наркотик, эрех-сăра пирки брошюрăсем, буклетсем панă.