Турханти вăтам шкулта Раççей Федерацийĕнчи Педагогпа наставник, Чăваш Енри Телейлĕ ачалăх çулталăкне уçрĕç.

Педагогпа наставник ĕçне хак пама та йывăр. Кашнийĕ çитĕнекен ăрăва тивĕçлĕ воспитани пама чунне парса тăрăшать. Ачасен телейĕ аслисен аллисенче пулнине ăнланса ĕçлет.

Мероприятинче педагогика наукисен докторĕ, И.Я.Яковлев ячĕллĕ Чăваш патшалăх педагогика университечĕн кафедра заведующийĕ Наталья Смирнова профессор, çак шкулта нумай çул ĕçленĕ Валентин Сергеев, Ружена Родионова, Маргарита Кудряшова, Светлана Алексеева, Валентин Кольцов, Мария Петрова педагог-ветерансем, Шăмăршă лесничествин Турханкасси участокĕн начальникĕ Наил Янтыков тухса каларĕç.

 Ачасем те парăмра юлмарĕç. Уяв концерчĕ хатĕрленĕ. Кăçал кашнийĕн ĕмĕчĕ туллин пурнăçлантăр, терĕç.

Альбина ИВАНОВА