Первомайскинчи вăтам шкул спорт залĕнче çакăнтан тата Патăрьелĕнчи ачасемпе çамрăксен спорт шкулĕнчен вĕренсе тухнă, Чечен Республикинчи çар ĕçĕсене хутшăннă Юрий Ендеева асра тытса арçын ачасем хушшинче йăлана кĕнĕ волейбол турнирĕ иртнĕ. Унта 7 команда - Патăрьелĕнчи пĕрремĕш, Хирти Пикшикри, Турханти, Тутар Сăкăтĕнчи, Пăлапуç Пашьелĕнчи, Шăнкăртамри пĕрремĕш, Первомайскинчи вăтам шкулсен -хутшăннă. Пĕрремĕш вырăна Патăрьелĕнчи пĕрремĕш, иккĕмĕшне Тутар Сăкăтĕнчи, виççĕмĕшне Турханти вăтам шкулсен волейболисчĕсем йышăннă.