РФ Патшалăх Думин депутачĕ Алла Салаева Туризм комитечĕ çумĕнчи эксперт советне саккунсен икĕ пуçарăвĕпе тухнă.

 "Вĕсене командăпа, эксперт совечĕн тата эпĕ ертсе пыракан ача-пăчапа çамрăксен туризмĕн ушкăнĕн членĕсемпе пĕрле хатĕрленĕ Пĕрремĕш саккун проектĕнче, Раççей туриндустри союзĕн сĕнĕвĕсем çинче никĕсленнĕскерте, турист автобусĕсем пирки сăмах пырать. "Турист автобусĕсем" ăнлава вăя кĕртни ачасен çул çỹревне йĕркелекен организацисене укçа-тенкĕ енчен тухакан йывăрлăхсене чакарма май памалла.

Иккĕмĕш саккун проекчĕ туризмăн пĕтĕмĕшле ĕçĕ-хĕлне тата ача-пăча туризмне йĕркелессипе çыхăннă. Вăл "Раççей Федерацийĕнчи туризм ĕçĕ-хĕлĕн никĕсĕсем çинчен" федераллă саккуна "экскурси", "çул çỹрев", "поход" тата "экспедици" ăнлавсене кĕртсе туризма пырса тивекен право хутшăнăвĕсенчи çитменлĕхсене пĕтерме май парĕ",- пĕлтернĕ А.Салаева.

Альбина ИВАНОВА