Патăрьел муниципалитет округĕн ларусем ирттермелли Пысăк залĕнче депутатсен Пухăвĕн черетлĕ ларăвĕ иртрĕ. Унăн ĕçне мунициципалитет округĕн пуçлăхĕн тивĕçĕсене вăхăтлăх пурнăçлакан Николай Раськин, депутатсем, муниципалитет округĕн администрацийĕн структура подразделенийĕсен ертỹçисем, территори пайĕсен начальникĕсем хутшăнчĕç. Ларăва депутатсен Пухăвĕн председателĕн çумĕ Гельсирень Абейдуллова ертсе пычĕ. Депутатсем 55 ыйту пăхса тухрĕç. Тĕпрен илсен вĕсем чылайăшĕ Патăрьел райононĕнчен Патăрьел муниципалитет округĕ туса хунă çĕнĕлĕхпе çыхăнчĕç.

Патăрьел муниципалитет округĕн экономика, ял хуçалăх тата инвестици ĕç-хĕлĕн пайĕн пуçлăхĕн çумĕ Андрей Воробьев Патăрьел муниципалитет округĕ 2022 çулта муниципаллă программăсемпе çумпрограммăсене мĕнле пурнăçлани тата вĕсен тухăçлăхĕ пирки пĕтĕмлетỹ доклачĕпе паллаштарчĕ, муниципаллă çĕр контрольне çирĕплетес, çавăн пекех Чăваш Республикинчи Патăрьел районне кĕнĕ ял тăрăхĕсен муниципаллă харпăрлăхĕ шутланакан пурлăха Чăваш Республикинчи Патăрьел муниципалитет округне, "Чăваш Республикинчи Патăрьел районĕ" муниципаллă пĕрлĕх пурлăхне Чăваш Республикинчи Патăрьел муниципалитет округне куçарас ыйтусемпе тухса калаçрĕ. Депутатсем йышăну проекчĕсене пурте пĕр шухăшлăн сасăласа çирĕплетрĕç.

Çавăн пекех çĕнĕ улшăнусемпе Патăрьел муниципалитет округĕн право тата кадр ыйтăвĕсен пай начальникĕ Наталия Каргина, Патăрьел муниципалитет пуçлăхĕн çумĕ-строительство, çул-йĕр тата пурăнмалли çурт-йĕрпе коммуналлă хуçалăх пайĕн начальникĕ Равиль Ямалетдинов, ĕçсен управляющийĕ-организаципе тĕрĕслев ĕçĕн пай начальникĕ Алина Ильина, Пăлапуç Пашьел, Тăрăн, Кĕçĕн Патăрьел ялĕсенче территоринчи обществăлла самоуправлени (ТОС) туса хурас тĕллевпе территори чиккисене палăртас пирки территори пайĕсен пуçлăхĕсем Владимир Никитин тата Николай Рубцов тухса калаçрĕç.

 Сессире çавăн пекех ытти ыйтусене те пăхса тухса тивĕçлĕ йышăну турĕç, награда ыйтăвĕсене те сỹтсе яврĕç.

Альбина ЕГОРОВА