Çак кунсенче республикăри çичĕ муниципалитет округĕн больницине 14 çăмăл автомашина панă. Телейлисен шутне Патăрьелсем те кĕнĕ. Вĕсене "Сывлăх сыхлавĕ" наци проекчĕн "РФ сывлăх сыхлавĕн пуçламăш звенине модернизацилес" регион проекчĕн пулăшăвĕпе туяннă.

 Санитари машинисене тухтăрсем медицина тĕрĕслев- не ирттерме, вакцина тума, вырăнпа выртакан чирлĕ çынсене киле çитсе пулăшу пама усă курĕç. Çавăн пекех анализ, эмел турттарĕç.

Палăртмалла: çулталăк вĕçленнĕ çĕре округсен больницисем валли тата 28 çăмăл автомобиль килсе çитĕ.

Альбина ИВАНОВА