Шывра ишес енĕпе Етĕрне муниципалитет округĕн кубокне çĕнсе илессишĕн уçă турнир иртнĕ. Унта Кỹкеç поселокĕн, Шупашкар хулин, Муркаш, Хĕрлĕ Чутай, Шăмăршă, Етĕрне тата Патăрьел муниципалитет округĕсен командисем ăмăртнă. Спортсменсем тĕрлĕ енлĕ тупăшнă. 50 метра çурăмпа ишсе Самира Салихова кĕмĕл медаль çĕнсе илнĕ. Вăлах 2012 çулта çуралнисен йышĕнче çак дистанцирех ирĕклĕ майпа ишсе иккĕмĕш вырăна тухнă. Чи матурри вара Алсу Кучатова пулнă. Вăл пьедесталăн çỹллĕ картлашки çине хăпарса "Патăрьел муниципалитет округĕн командин чи лайăх ишевçи" ята тивĕçнĕ.

Василиса Иванова 2013 çулта çуралнисен ăмăртăвĕнче пăхăр медаль илнĕ. Тимофей Иванов вара ылтăн медальлĕ пулнă. Ольга Краснова 2008-2009 çулсенче çуралнисен 100 метрлă дистанцийĕнче ирĕклĕ майпа ишсе иккĕмĕш тухнă.

Хутăш эстафетăра Патăрьел муниципалитет округĕн командине çитекенни пулман. Çакăнта Светлана Рубцовăпа Валерий Платонов тренер-преподавательсен тỹпи пысăк. Спрт Çĕнтерỹçĕсем - Первомайскисем Сĕтел çинчи вăйăсен пĕтĕм тĕнчери кунне палăртнă май ачасемпе çамрăксен спорт шкулĕпе "Паттăр" ФСКра Патăрьел муниципалитет округĕн вăтам шкулĕсенче вĕрентекен, вĕренекен (арçын ачапа хĕрача) хушшинче шахматла выляса ăмăртусем иртнĕ. Унта 6 команда хутшăннă. Çĕнтерỹçĕсем Первомайскинчи вăтам шкулта вĕрентекенпе вĕренекенсем пулнă. Иккĕмĕш вырăна Патăрьелĕнчи пĕрремĕш, виççĕмĕшне Нăрваш Шăхалĕнчи вăтам шкулсен командисем йышăннă.

Альбина ИВАНОВА