Педагогсене хавхалантарас, вĕсен професси ăсталăхне анлăн сарас, пуçарулăхне палăртас тĕллевпе кăçал вĕрентекенсен конкурсĕсене ытларах та ирттерме палăртаççĕ. Çакă Раççей Федерацийĕнче Педагогпа наставник, Чăваш Енре Телейлĕ ачалăх çулталăкĕ пулнипе те çыхăннă-тăр. Акă, республика шайĕнчи "Сывлăх хавшакрах ачасемпе ĕçлекен вĕрентỹ организацийĕсенчи чи лайăх педагог" конкурс та çĕнĕскер. Унта çирĕмĕн хутшăнчĕç. Мероприяти вăхăтĕнче педагогсем тĕрлĕ тĕрĕслев тухрĕç. Мастер-классем кăтартрĕç. Уçă уроксене кĕчĕç. Çакнашкал ачасемпе юратса ĕçленине палăртрĕç. Конкурса Тутар Сăкăтĕнчи вăтам шкулти Рамия Сабитова та хутшăнчĕ.

Альбина ИВАНОВА