Чăваш Республикин Патшалăх ветеринари службин ертỹçи Александр Шакин Юхмапа Пăла тăрăхĕнче ĕçлĕ çул çỹревпе пулнă май Патăрьел муниципалитет округĕн пуçлăхĕпе Рудольф Селивановпа тĕл пулнă. Калаçу вăхăтĕнче вĕсем хуçасăр чĕр чунсен шăпине татса парас ыйтăва та хускатнă.

Александр Шакин муниципалитет округĕнчи ветеринари службин ĕçĕ-хĕлĕпе паллашнă, ĕç коллективĕсемпе курнăçнă. Çавăн пекех сыснасен Африка чуми, кайăк-кĕшĕк грипĕ, Çĕпĕр мурĕ тата ытти чир выльăхсене ан çаклантăр тесен профилактика ĕçĕсене вăхăтра туса пымалли пирки те аса илтернĕ.

Александр ИВАНОВ