пуçласа уçлăха вĕçни пирĕн çĕршывшăн çеç мар, мĕн пур этемлĕхшĕн паллă пулăм. Космос çинчен ĕлĕкхисем ĕмĕтленме çеç пултарайнă.

Космонавтика кунĕ тĕлне халĕ çулленех тĕрлĕ конкурспа акци ирттереççĕ. Вĕсене Тутар Сăкăтĕнчи вăтам шкулта вĕренекенсем те хастар хутшăнаççĕ. Палăртар-ха пĕрне - "Çул - çăлтăрсем патне". Ăна пĕрремĕш хĕрарăм-космонавт Валентина Терешкова уçлăха хăпарнăранпа 60 çул çитнине халалланă. Конкурса ачасен техника, литература, ỹнер ăсталăхĕсене палăртас, вĕсене малалла аталанма майсем туса парас тĕллевпе йĕркелеççĕ.

Вĕренекенсем астрономи предмечĕпе ирттернĕ "Çул - çăлтăрсем патне" шкул, муниципалитет шайĕнчи конкурссене хастар хутшăнчĕç. Çĕнтерỹçĕсем республикăринче те çухалса каймарĕç. Пĕтĕмлетĕве икĕ ỹсĕм çулĕн ушкăнĕпе турĕç. Ĕçсене "Ỹкерчĕк" тата "Декораципе ỹнер ăсталăхĕ" номинацисемпе хакларĕç. Муниципалитет шайĕнчи конкурсра Линара Куликова, Фаиль Хайруллин (ертỹçи Г. Начаева) пĕрремĕш, Данир Гайнуллин (Г.Айзатуллова)иккĕмĕш, Айсылу Валиуллова (А.Хакимова) виççĕмĕш вырăнсене йышăннăччĕ.

Республикăра вара Линара Куликован "Космос вăрттăнлăхĕсем" макечĕ пĕрремĕш, Фаиль Хайруллинăн "Легендарлă "Чайки" виççĕмĕш вырăнсене тухнă. Ачасен пултарулăхне, тавçăрулăхне, ĕçе юратнине тивĕçлипе хакларĕç. Çакă çĕнĕ çитĕнỹсем тума хавхалантаратех.

Гелия НАЧАЕВА